Home / Blog / Style Guide / Stockings Kya Hoti Hain? Full Body, Half Body and Leg Stockings Explained Simply
Style GuideStockings Kya Hoti Hain? Full Body, Half Body and Leg Stockings Explained Simply
“Stockings” sun kar har koi alag cheez samajhta hai. Kisi ke zehan mein school wali safed jurabein aati hain, kisi ke hospital wali tight stockings, aur kisi ke net wali body stocking. Order karne se pehle yeh samajh lena zaroori hai ke aap ko asal mein chahiye kya, warna parcel khol kar maloom hota hai ke cheez kuch aur hai.
Teen cheezein jo aksar mix ho jati hain
Stockings lambi patli jurabein hain. Har taang ki alag, aur yeh ghutne se upar ran tak jati hain. Urdu mein inhein lambi jurab hi samjhein. Upar aksar lace ki patti hoti hai jo taang par tiki rehti hai.
Pantyhose kamar se paon tak ek piece hoti hai. Dono taangein judi hoti hain, bilkul tights ki tarah lekin patli aur transparent.
Body stocking net ya mesh ka ek hi tukra hai jo jism par pehna jata hai. Full body wali kandhon se paon tak hoti hai, half body wali sirf upar ke hissay ya kamar tak. Yeh lingerie hai, rozana ke kapron ke neeche pehnne wali cheez nahi.
Hamari store par jo stockings hain woh pehli aur teesri qism ki hain: leg stockings aur body stockings.
Full body stocking
Yeh stretch mesh ya fishnet ki hoti hain aur sab kaale rang mein hain. Farq design aur net ke pattern ka hai. Loop Weave mein gol chhalle wala pattern hai, Grid Charm mein seedha jaal, aur Butterfly aur Love Pattern mein net ke andar design bana hua hai. Zyada tar Rs 1,132 ki hain, design wali Rs 1,259 ki.
Saare designs yahan hain: Full Body Stockings.
Half body stocking
Agar poora jism dhakne wali cheez nahi chahiye to half body stocking halki aur pehnne mein asaan hai. Syrel sleeveless hai aur net mein halki chamak hai, Rs 720 ki. Net Curve seedhi stretch net hai jo robe ke neeche achi lagti hai. Baqi options: Half Body Stockings.
Leg stockings
Sirf taangon ke liye. Chic Lace kaali lace net ki hai, Rs 869, aur Mesh Charm laal rang mein Rs 749. Inhein nighty ya babydoll ke sath pehna jata hai. Agar aap ke paas pehle se koi set hai to yeh sab se sasta tareeqa hai us ko alag look dene ka.
Size ka kya scene hai?
Hamari saari stockings free size hain. Net aur mesh khinchta hai, is liye ek size mukhtalif jism par fit aa jata hai. Agar aap ka size kaafi bara hai aur shak hai, to order se pehle WhatsApp par pooch lein, hum product ka stretch dekh kar bata denge.
Ek zaroori baat
Google par “stockings for varicose veins” ya “stockings for patients” bhi bohat search hota hai. Woh compression stockings hain, jo taangon par dabao daal kar khoon ka bahao behtar karti hain. Hamari stockings woh nahi hain. Agar doctor ne compression stocking batayi hai to pharmacy se sahi size aur pressure wali lein.
Dhulai aur sambhaal
Net aur lace bohat jaldi phatt jate hain, aksar nakhun ya anguthi mein phans kar. Pehnte waqt anguthi utaar dein aur stocking ko seedha khenchne ki bajaye thoda thoda upar chadhayein. Thande paani mein haath se dhoyein, nichorein nahi, aur saaye mein sukhayein. Mazeed tips: lingerie dhone ka tareeqa.
Body stocking ke sath pehnne ke liye nighty dekhni ho to nighty collection ya nighty guide dekh lein. Saari stockings ek jagah: Stockings. Har parcel cash on delivery aur discreet packing mein aata hai.
Aksar pooche jane wale sawal
Stocking ka Urdu mein kya matlab hai?
Stocking lambi, patli jurab ko kehte hain jo paon se le kar ghutne ya ran tak aati hai. Body stocking ek hi tukre ka net ya mesh libaas hai jo kandhon se paon tak ya kamar tak hota hai.
Pantyhose aur stocking mein kya farq hai?
Pantyhose kamar se paon tak ek hi piece hoti hai, dono taangein judi hui. Stockings har taang ke liye alag hoti hain aur ran par ruk jati hain.
Body stocking ka size kaise chunein?
Hamari body stockings free size aur stretch net ki hain, is liye zyada tar sizes mein aa jati hain. Agar shak ho to order se pehle WhatsApp par pooch lein.
Kya yeh varicose veins wali stockings hain?
Nahi. Hamari stockings fashion aur lingerie ke liye hain. Varicose veins ya DVT ke liye compression stockings doctor ke mashwaray se pharmacy se lein.
Body stocking ki qeemat Pakistan mein kitni hai?
Pretty Wear par half body stockings Rs 720 se, full body stockings taqreeban Rs 1,132 se Rs 1,350 tak, aur leg stockings Rs 749 se shuru hain.
DISCUSSION
Join the conversation 0
Have a question, a sizing problem or your own experience? Write it below. Our team replies to every comment.
No comments yet. Be the first to share your thoughts.
Leave a comment
KEEP READING
